Témbongkeun sumber pikeun Bioma

'''Bioma''' nyaéta salah sahiji [[lahan]] taneuh anu lega kalawan dibagi wandana dumasar kana [[iklim]]. Dina bioma, [[tutuwuhan]] jeung [[sasatoan]] bisa bumetah hirup jeung néangan kadaharan. Bioma ogé tangtu miboga [[ékosistem]] dina dina lingkup lahan anu sarua. Bioma dumasar kana lahan disebutna bioma terestrial. Bioma dumasar kana ayana [[cai]] anu jadi sumber kahirupan disebut bioma akuatik.<ref>{{Cite web|url=https://www.merdeka.com/sumut/pengertian-bioma-jenis-karakteristik-beserta-contohnya-kln.html|title=Pengertian Bioma Beserta Jenis, Karakteristik, dan Contohnya|last=Mardatila|first=Ani|website=merdeka.com|publisher=13 September 2020|language=en|accessdate=2021-04-05}}</ref> 
==Jenis==
===Bioma gurun===
Bioma gurun ayana di daérah [[tropis]] anu jadi tapel wates jeung lahan [[jukut]]. Ciri-ciri bioma gurun nyaéta garing jeung curah [[hujan]] nyirorot (250 mm/taun) anu ngabalukarkeun datangna hujan teu tangtu. Lamun keur usum hujan, tutuwuhan anu aya di gurun mah bakal mekar karembangan jeung baruahan. [[Suhu]] di bioma gurun lamun pabeubeurang kurang leuwih kana <math display="inline">45^0</math> C anu ngabalukarkeun luhurna [[uap]] anu kaluar. Sabalikna, lamun dina waktu [[peuting]] suhu gurun téh bisa jadi nepi ka <math display="inline">0^0</math>C.<ref name=":0">{{Cite book|title=Biologi Lingkungan|url=https://books.google.com/books?id=pZlUDwAAQBAJ&newbks=0&printsec=frontcover&pg=PA19&dq=bioma+adalah&hl=en|publisher=Muhammadiyah University Press|isbn=978-602-361-096-9|language=id|first=Efri|last=Roziaty|first2=Annur Indra|last2=Kusumadani|first3=Ima|last3=Aryani|year=2017|location=Surakarta|pages=19-25}}</ref>

===Bioma lahan jukut===
Bioma lahan jukut pernahna antara lahan tropis jeung [[subtropis]]. Ciri-cirina nyaéta curah hujan antara 200-250 mm dina sataun kalayan datangna hujan teu tangtu. Tingkat panyerepan cai di ieu bioma kacida luhurna jeung seserepan cai téh kawilang gancang pisan ngamalirna anu ngabalukarkeun tutuwuhan ogé hésé keur nyerep cai.<ref name=":0" />

===Bioma leuweung tropis (baseuh)===
Bioma leuweung tropis ngawengku daérah tropis jeung subtropis. Di ieu leuweung loba tutuwuhan anu jangkungna antara 20 nepi ka 40 [[méter]], balukarna kaayaan leuweungna linduh teu pati cangra.  Tutuwuhan anu loba téh nyaéta Liana jeung Epifit.<ref name=":0" />

===Bioma leuweung maluguran===
Bioma leuweung maluguran téh miboga curah hujan anu kawilang luhur antara 750 mm nepi ka 1000 mm dina sataun jeung ayana di daérah anu iklimna sedeng. Ieu bioma pernahna aya di wilayah sabudeureun 30-400 LU/LS saperti di [[Amérika Serikat]], [[Chili]], [[Eropa]], [[Asia]] jeung [[Australia]].<ref name=":0" /> 

===Bioma taiga===
Bioma taiga ayana di wilayah anu iklimna didominasi ku suhu anu tiis saperti di pagunungan daérah tropis. Suhu anu tiis ngabalukarkeun kurangna kakuatan [[vegetasi]], tapi keur tutuwuhan anu adaptif mah bisa tumuwuh alus. Conto tutuwuhannana nyaéta [[pinus]] jeung [[herbatus]] nu jangkungna kurang ti saméter.<ref name=":0" />

===Bioma tundra===
Sumebarna bioma tundra dimimitian ti daérah [[artik]] anu nutupan 20% bumi. Bioma tundra ayana di puncer-puncer [[gunung]] anu anginna tarik jeung suhuna tiis. Lamun usum tiris, suhuna bisa ngahontal <math display="inline">-30^0</math>C kalawan waktu usum anu lila. Lamun usum panas mah kawilang sakeudeung jeung suhuna aya kana <math display="inline">10^0</math> C.
Tutuwuhan anu biasana aya nyaéta [[spaghnum]], [[liken]], tutuwuhan siki samusim, [[kai]] jeung [[jukut]]. Ari sasatoan anu kuat hirup dina suhu anu tiis mah biasana anu buluna kandel. Lamun sato séjénna mah pasti bakal migrasi ka tempat anu suhuna  leuwih haneut.<ref name=":0" />

=== Bioma leuweung bakau ===
Bioma leuweung [[bakau]] loba kapanggih di [[basisir]] anu semu déngdék. Iklimna nyaéta antara daérah [[tropik]] jeung [[subtropik]]. Wanda tutuwuhan anu kapanggih tangtu ukur tanggal bakau. Lian ti éta, aya ogé [[api-api]] jeung [[pidada beureum]]. Bioma leuweung bakau ngandung [[uyah]] dina cai jeung taneuhna anu magrupa seserepan tina [[laut]]. Sabalikna, [[oksigén]] kurang dina jero cai jeung taneuhna. Ieu bioma gancang [[caah]] lamun cai laut keur luhur lambakna. Lamun keur nyirorot, taneuhna bakal becék jeung eumeul-eumeul jadi [[leutak]].<ref name=":1">{{Cite book|title=Biogeografi|first=|publisher=PT Bumi AKsara|year=2018|isbn=978-602-444-470-9|location=Jakarta Timur|url=http://sipeg.unj.ac.id/repository/upload/buku/BIOGEOGRAFI(1).pdf|last=Zid, M., dan Hardi, O. S.|pages=7-10}} {{Webarchive|url=https://web.archive.org/web/20230614210429/http://sipeg.unj.ac.id/repository/upload/buku/BIOGEOGRAFI(1).pdf |date=2023-06-14 }}</ref>

=== Bioma leuweung lumut ===
Bioma leuweung [[lukut]] loba kapanggih di suku gunung atawa pagunungan. Leuweung lumut kawangun dina tapel wates [[kondénsasi]] [[hawa]] tina cai. Tumuwuhna lukut téh lolobana dina beungeut taneuh, [[batu]], jeung dahan-dahan [[kai]] anu baradag ukuranana nepi ka nutupan babagianana. Bioma leuweung lukut mah kaayanana lembap jeung suhuna handap nepi ka ngahasilkeun [[ibun]] dina sapopoéna.<ref name=":1" />

== Rujukan ==

[[Kategori:Biologi]]
[[Kategori:Lingkungan]]