Témbongkeun sumber pikeun Modulasi pita sisi tunggal

[[Modulasi amplitudo biasa]] jeung [[modulasi pita sisi ganda|modulasi DSB]] ngahambur-hambur [[bandwidth]] lantaran duanana kudu mancarkeun [[bandwidth]] anu sarua jeung dua kali [[bandwidth]] sinyal informasi. Hal ieu bisa ditempo dina gambar di handap ieu:

[[Gambar:Spektrum sinyal DSB jeung SSB.jpg|Babandingan spéktrum sinyal DSB jeung spéktrum sinyal SSB.]]

Lantaran pita sisi luhur jeung pita sisi handap ngandung informasi nu sarua lengkepna, sabenerna urang cukup mancarkeun hiji pita sisi hungkul. Modulasi nu mancarkeun hiji pita sisi ieu disebut modulasi pita sisi tunggal atawa single-sideband (SSB).

Kaunggulan modulasi SSB nyaéta [[bandwidth]] nu leuwih hémat. Ngan, kakurangan utamana nyaéta biaya jeung kompléksitas dina prak-prakanana.

==Ngabangkitkeun sinyal SSB==

===Padika diskriminasi frékuénsi===
Cara langsung pikeun ngabangkitkeun sinyal SSB nyaéta ku cara ngabangkitkeun sinyal DSB ti heula, saterusna nindes salah sahiji di antara pita sisi nu aya ku cara nyaring maké [[Filter (pamrosésan sinyal)
|filter]]. Cara ieu katelah padika diskriminasi [[frékuénsi]] sarta prosésna digambarkeun di handap ieu.

[[Gambar:Ngabangkitkeun SSB make BPF.jpg|Cara ngabangkitkeun SSB make [[bandpass filter]].]]

Dina prak-prakanana padika ieu henteu gampang lantaran [[Filter (pamrosésan sinyal)
|filter]]na kudu mibanda karakteristik [[Cutoff frequency|cutoff]] anu lungkawing (pasagi).

===Padika géséran fase===
Padika lianna pikeun ngabangkitkeun sinyal SSB katelah padika gésér fase saperti digambarkeun di handap ieu.

[[Gambar:Ngabangkitkeun SSB make panggeser fase.jpg|Cara ngabangkitkeun SSB maké panggésér fase]]

Kotak nu ditandaan <math>-\frac{\pi}{2}</math> nyaéta panggésér fase sajauh <math>\frac{\pi}{2}</math> anu nunda fase tiap komponén frékuénsi sajauh <math>\frac{\pi}{2}</math>. Hiji panggésér fase idéal pamohalan ngawujud sacara persis. Ngan urang bisa ngadeukeutan ngahasilkeunana dina wilayah frékuénsi tinangtu.

Lamun <math>\bar{m}(t)</math> mangrupa kaluaran tina panggésér fase <math>-\frac{\pi}{2}</math> akibat asupan m(t) mangka sinyal SSB x<sub>SSB</sub>(t) bisa dinyatakeun ku:

x<sub>SSB</sub>(t) = <math>cos \omega_c t \bar{+} \bar{m} (t) sin \omega_c t</math>.

Lamun nu dipaké téh tanda - (minus) mangka dihasilkeun sinyal SSB pita sisi luhur, sarta lamun dipaké tanda + mangka dihasilkeun sinyal SSB pita sisi handap.

==Demodulasi sinyal SSB==
Demodulasi sinyal SSB bisa kalayan gampang dihontal ku cara maké detéktor kohéren saperti anu dipaké dina [[modulasi DSB]], nyaéta ku cara ngalikeun x<sub>SSB</sub>(t) jeung [[Gelombang Pamawa|sinyal pamawa]] lokal sarta ngaliwatkeun hasilna kana [[LPF]]. Cara ieu digambarkeun di handap.

[[Gambar:Demodulasi sinkron sinyal SSB.jpg|Demodulasi sinyal SSB sacara sinkron.]]

==Tempo ogé==
*[[Modulasi amplitudo]]
*[[Modulasi amplitudo biasa]]
*[[Modulasi pita sisi ganda]]

==Rujukan==
#Hsu, Hwei P., Schaum's Outline of Théory and Problems of Analog and Digital Communications, McGraw Hill, 1993

[[Kategori:Pamrosésan sinyal]]
[[Kategori:Dasar telekomunikasi]]